Welkom by Kaleideo, die gemeente in volkleur!

Ons is 'n familie wat 'n hart het vir mense en waar ons graag jou wil help om in 'n beter verhouding met Jesus Christus te staan. Ons glo dat elkeen 'n volgeling van Jesus behoort te wees en daarom wil ons jou toerus om liewer vir God te wees, liewer vir mense te wees, jou Gawes te ontdek en dit uit te leef binne die gemeente en jou wêreld te kan kleur met Jesus Christus. Wanneer hierdie vier elemente in jou lewe gesien kan word sal mense regtig kan sê dat jy 'n volgeling van Jesus is.

Ons Visie: Om ons wêreld te kleur met die wysheid van God.

Kaleideo Glo dat Jesus Christus betekenis gee aan mense en letterlik hulle lewens kom inkleur. Ons droom is om soveel kleur aan die samelewing te gee dat elke mens doelgerig sal lewe.

Soos die kleurspektrum baie fasette het wil hierdie gemeente op baie vlakke die lewens van mense raak. Ons erken ook hiermee dat elke mens sy eie unieke self is; 'n samestelling van baie kleure. Ons verstaan hierdie verskeidenheid en daarom is individue vir ons belangrik.

Maak 'n verskil en kom kleur jou wêreld saam met ons!

Johan Steyn